Frå best til versting
Sjølv om det blir oppretta nye stillingar, er dei norske fengsla underbemanna.
Ullersmo fengsel ser ikkje så verst ut frå utsida. Men gjennomtrekken blant dei tilsette er, som i dei aller fleste norske fengsel, stor.
Foto: Tore Meek / AP / NTB
Kriminalomsorg
marita@dagogtid.no
Noreg hadde rykte på seg for å ha dei mest humane fengsla i verda. Særleg Halden fengsel var moderne då det opna i 2010, med store uteområde og flotte kultur-, trenings- og utdanningstilbod.
I 2020 var det 318 tilsette i Halden fengsel. I dag er dei, om vi legg til sjukefråværet, rundt 200. Ofte får dei ikkje følgt dei innsette til aktivitetar utanfor bygget dei bur i. Mange får mindre enn fem timar utanfor cella per døgn. Den europeiske torturførebyggingskomiteen (CPT) tilrår minst åtte timar utanfor cella.
Sivilombodet har kritisert drifta og knyter kritikken til «problematisk reduksjon i bemanning».
Sivilombodet har besøkt fleire fengsel, følgt av medium og fagforeiningar som rapporterer om det same: Underbemanning medfører isolasjon og aggresjon. Kulturen har blitt hardare, med fleire psykisk sjuke, fleire rusavhengige, meir narkotika og fleire kulturkonfliktar enn nokon gong. I tillegg har dokumentasjonskrava blitt skjerpa, noko som stel tid. Dei tilsette blir utslitne og seier opp, og få – om nokon – søker på utlyste stillingar.
Romerikes Blad intervjua i sommar tilsette ved Ullersmo. «Spørsmålet er hvor mye belastning og psykiske utfordringer man skal tåle med den lønna vi får», sa ein.
Utdanna fengselsbetjentar har ei startlønn på 443.000 kroner.
Menneskerettsbrot
I fjor gjennomførte Rambøll ei undersøking på oppdrag frå Kriminalomsorgsdirektoratet (KDI). Det viser seg at 66 prosent av dei tilsette har opplevd at ein innsett har tatt livet av seg eller prøvd å gjere det. 55 prosent har blitt utsette for vald. 67 prosent har opplevd hets eller sjikane.
Det veg opp at mange har eit nært forhold til kollegaene, men 36 prosent av dei som har opplevd vald eller ei alvorleg hending, har ikkje fått oppfølging. Posttraumatisk stress, angst, depresjon og somatiske plagar er utbreidd.
Mange fortel at dei før jobba sosialfagleg, no er dei reduserte til vakter. Dei låser folk ut og inn – særleg inn. I 2023 blei det fatta 545 vedtak om isolasjon. Overdriven isolasjon, nakenvisitering og telefonkontroll har ført til at den norske staten fleire gonger har blitt dømd i menneskerettsdomstolen.
49 nye stillingar
Etter at Rambøll-undersøkinga blei lagd fram, oppretta Kriminalomsorga ei arbeidsgruppe som tilrådde at regjeringa gir 40 millionar kroner i ekstraordinære midlar og utlyser fleire stillingar.
Samtidig har regjeringa vedtatt at dei vil tredoble kapasiteten i ungdomsfengsla, frå 10 plassar i dag til 30 i 2026. Dei vil bruke 2,8 milliardar kroner på å bekjempe kriminalitet. Og ja, 40 millionar kroner «skal gå til å bedre den økonomiske situasjonen» i Kriminalomsorga. 15 fengsel skal få til saman 49 nye tilsette.
Blant anna får Halden fengsel, med plass til 227 innsette, 4 nye stillingar.
Om dei blir utlyste, gjenstår å sjå. Ser vi på stillingsannonsane denne veka, søker Halden fengsel etter 10 betjentar. Ila treng 15, Indre Østfold 15 og Oslo fengsel 8, blant andre.
Norsk institusjon for menneskeretter (NIM) samanfattar stoda slik i årsmeldinga si: «Soningsforholdene i norske fengsler medfører en rekke menneskerettighetsutfordringer (...). Problemene har strukturelle og økonomiske årsaker, i tillegg til mangler ved regelverk og retningslinjer. (...) Dette krever langsiktige tiltak og prioriteringer som går utover det kriminalomsorgen kan løse alene.»
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Kriminalomsorg
marita@dagogtid.no
Noreg hadde rykte på seg for å ha dei mest humane fengsla i verda. Særleg Halden fengsel var moderne då det opna i 2010, med store uteområde og flotte kultur-, trenings- og utdanningstilbod.
I 2020 var det 318 tilsette i Halden fengsel. I dag er dei, om vi legg til sjukefråværet, rundt 200. Ofte får dei ikkje følgt dei innsette til aktivitetar utanfor bygget dei bur i. Mange får mindre enn fem timar utanfor cella per døgn. Den europeiske torturførebyggingskomiteen (CPT) tilrår minst åtte timar utanfor cella.
Sivilombodet har kritisert drifta og knyter kritikken til «problematisk reduksjon i bemanning».
Sivilombodet har besøkt fleire fengsel, følgt av medium og fagforeiningar som rapporterer om det same: Underbemanning medfører isolasjon og aggresjon. Kulturen har blitt hardare, med fleire psykisk sjuke, fleire rusavhengige, meir narkotika og fleire kulturkonfliktar enn nokon gong. I tillegg har dokumentasjonskrava blitt skjerpa, noko som stel tid. Dei tilsette blir utslitne og seier opp, og få – om nokon – søker på utlyste stillingar.
Romerikes Blad intervjua i sommar tilsette ved Ullersmo. «Spørsmålet er hvor mye belastning og psykiske utfordringer man skal tåle med den lønna vi får», sa ein.
Utdanna fengselsbetjentar har ei startlønn på 443.000 kroner.
Menneskerettsbrot
I fjor gjennomførte Rambøll ei undersøking på oppdrag frå Kriminalomsorgsdirektoratet (KDI). Det viser seg at 66 prosent av dei tilsette har opplevd at ein innsett har tatt livet av seg eller prøvd å gjere det. 55 prosent har blitt utsette for vald. 67 prosent har opplevd hets eller sjikane.
Det veg opp at mange har eit nært forhold til kollegaene, men 36 prosent av dei som har opplevd vald eller ei alvorleg hending, har ikkje fått oppfølging. Posttraumatisk stress, angst, depresjon og somatiske plagar er utbreidd.
Mange fortel at dei før jobba sosialfagleg, no er dei reduserte til vakter. Dei låser folk ut og inn – særleg inn. I 2023 blei det fatta 545 vedtak om isolasjon. Overdriven isolasjon, nakenvisitering og telefonkontroll har ført til at den norske staten fleire gonger har blitt dømd i menneskerettsdomstolen.
49 nye stillingar
Etter at Rambøll-undersøkinga blei lagd fram, oppretta Kriminalomsorga ei arbeidsgruppe som tilrådde at regjeringa gir 40 millionar kroner i ekstraordinære midlar og utlyser fleire stillingar.
Samtidig har regjeringa vedtatt at dei vil tredoble kapasiteten i ungdomsfengsla, frå 10 plassar i dag til 30 i 2026. Dei vil bruke 2,8 milliardar kroner på å bekjempe kriminalitet. Og ja, 40 millionar kroner «skal gå til å bedre den økonomiske situasjonen» i Kriminalomsorga. 15 fengsel skal få til saman 49 nye tilsette.
Blant anna får Halden fengsel, med plass til 227 innsette, 4 nye stillingar.
Om dei blir utlyste, gjenstår å sjå. Ser vi på stillingsannonsane denne veka, søker Halden fengsel etter 10 betjentar. Ila treng 15, Indre Østfold 15 og Oslo fengsel 8, blant andre.
Norsk institusjon for menneskeretter (NIM) samanfattar stoda slik i årsmeldinga si: «Soningsforholdene i norske fengsler medfører en rekke menneskerettighetsutfordringer (...). Problemene har strukturelle og økonomiske årsaker, i tillegg til mangler ved regelverk og retningslinjer. (...) Dette krever langsiktige tiltak og prioriteringer som går utover det kriminalomsorgen kan løse alene.»
Fleire artiklar
Cissy Houston
Wikimedia Commons
Arkivet: Emily «Cissy» Houston (1933–2024)
Berlin: Med bandet kring seg står Bob Dylan ved flygelet og spelar munnspel.
Foto: Håvard Rem
Som å lesa ei bok
Dylan (83) vert eldre, men skriv og syng betre.
Teikning: May Linn Clement
«Øving er ei form for arbeid, og sanneleg heng øva etymologisk saman med latin opus (‘arbeid, verksemd’).»
Det var ein fiskar som oppdaga kvalflokken denne fredagsmorgonen, og så gjekk alarmen. Det blei bestemt at han skulle takast inn til Hvannasund. Der venta om lag hundre menneske som var varsla gjennom ei lukka gruppe på Facebook.
Alle foto: Hallgeir Opedal
Grinda kjem!
I dag har eg vore med på å drepe 220 grindkvalar. Ja, mogleg det var 230, eg mista teljinga.
Filmen følgjer Lunies-familien, som har vore splitta i lang tid.
Foto: Selmer Media