Kva slags ferd?

5 POENG: Eit reknestykke på denne typen ferd kan vere 1 + 1,5 + 2 + 100. Svaret er eit omgrep som skriv seg frå eit avisintervju i 2002.

4 POENG: Reisande på ei slik ferd kjenner fort òg talet 10 kilogram. Omgrepet har norsk opphav, sjølv om fenomenet ikkje er særnorsk. Intervjuet var i Dag og Tid.

3 POENG: Intervjuobjektet var Lars Sponheim, dåverande landbruksminister. Førsteleddet i svaret er eit mannsnamn.

2 POENG: For mange nordmenn går ein slik tur til Strömstad, Svinesund, Töcksfors eller Charlottenberg.

1 POENG: Ordet tyder «tur til utlandet for å kunne kjøpe varer til lågare prisar enn i heimlandet».

Kva person?

5 POENG: Denne personen vart den første av sitt slag på 629 år. Vedkommande vart ein banebrytar i heimlandet 15. mai 1953 og busette seg etterpå 10.000 kilometer unna.

4 POENG: Personen budde i det nye heimlandet Brasil til sin død i 2012. Personen vart kjend for sosialt arbeid, men òg for spisse replikkar.

3 POENG: Personen opna dei olympiske vinterleikane i 1952. Fødselsdagen 9. juni var tidlegare offisiell flaggdag.

2 POENG: Det banebrytande i Noreg var å ikkje gifte seg kongeleg. Ektemannen var motstandsmannen og skipsreiaren Erling Lorentzen.

1 POENG: Ho vart storesøster til prinsesse Astrid og prins Harald.

Kva dyr i Bibelen?

5 POENG: Dette dyret er nemnt nokre titals gonger i Bibelen. Til dømes seier Salomos ordtak at dyret «har ingen konge, endå rykkjer dei fram i formasjon» (30,27).

4 POENG: Dyret har ei hovudrolle i Joels bok, ein av dei tolv småprofetane. Han kommenterer ein invasjon av slike, ser det som eit varsel.

3 POENG: I øydemarka levde døyparen Johannes av dette dyret og villhonning.

2 POENG: Dyret var den åttande av dei ti landeplagene over Egypt. Dyret er eit insekt, slik som dei tidlegare plagene lus og insektsvermar.

1 POENG: Me får tru Johannes høyrde stridulasjonen, den gnissande songen.

Kva sport?

5 POENG: Kven er tidenes beste i denne sporten? Somme vil svare amerikanske Walter Ray Williams jr. Han held rekorden for flest sigrar i den største turneringsserien, 47 stykke.

4 POENG: Serien heiter PBA Tour. Sporten er ikkje olympisk, men var demonstrasjonsgrein i 1988. Dei fremste norske utøvarane er Arne Svein Strøm og Tore Torgersen.

3 POENG: For folk flest er det ein vanleg fritidsaktivitet. Det finst hallar over heile Noreg. Den maksimale poengsummen i kvar serie er 300.

2 POENG: 300 poeng er å få tolv strike på rad.

1 POENG: Strike er å kaste så kula velter alle ti kjeglene.

Svar på hinta:

Kva slags ferd: Harrytur (Reknestykket er eit døme på avgiftsfri kvote: 1 liter brennevin + 1,5 liter vin + 2 liter øl + 100 sigarettar. Talet 10 kilogram gjeld kjøt, mjølk, ost og andre matvarer.)

Kva person: Prinsesse Ragnhild (Ho var den første prinsessa fødd på norsk jord på 629 år.)

Kva dyr i Bibelen: Grashoppe

Kva sport: Bowling