Tigerstaden ved Kari Thorbjørnsen

1. Kva for eit område i Oslo deler namn med ein tettstad i Hardanger?

2. Det første gatemagasinet i Noreg blei
etablert i Oslo i 2005. Kva heiter det?

3. Songen «Bislet Special» blei ein stor hit for eit osloband i 1969. Kva heitte bandet?

4. Kva for osloklubb spela tidlegare landslagskeeper Kjell Kaspersen (biletet) for?

5. Kva heiter det nye området i hovudstaden der nybygg som Munchmuseet og Deichmanske bibliotek no reiser seg?

USA-litteratur ved Anne Cathrine Wollebæk

6. Kven skreiv diktet «Annabel Lee», som vart trykt i 1849? (Forfattaren er mest kjend for dei uhyggelege novellene sine.)

7. Kven skreiv romanen Blonde om livet til Marilyn Monroe? Boka kom i 2000.

8. Kven fekk nobelprisen i litteratur som første afrikansk-amerikanske forfattar i 1993?

9. Kva var kallenamnet til Ernest Hemingway (biletet over)?

10. Kva heiter ektemannen til Siri Hustvedt?

Dansepartnarar

11. Kva skodespelar var dansepartnaren til Ryan Gosling i filmen La La Land (2016)?

12. Kva skodespelar var dansepartnaren til Ginger Rogers (biletet) i filmen Top Hat (1935)?

13. Kva skodespelar var dansepartnaren til Jennifer Grey i filmen Dirty Dancing (2016)?

14. Kva skodespelar var dansepartnaren til Lori Singer i filmen Footloose (1984)?

15. Kva skodespelar er dansepartnaren til Fabian Svegaard Tapia i den komande norske ungdomsfilmen Battle?

Grunnstoff

16. Kva grunnstoff har det kjemiske symbolet H?

17. Kva grunnstoff har det kjemiske symbolet N?

18. Kva grunnstoff har det kjemiske symbolet S?

19. Kva grunnstoff har det kjemiske symbolet Fe?

20. Kva grunnstoff har det kjemiske symbolet Ag?

Pels og ull

21. Frå kva dyr stammar hermelin?

22. Frå kva dyr stammar gråverk?

23. Frå kva dyr stammar merinoull?

24. Frå kva dyr stammar angoraull (biletet)?

25. Frå kva dyr stammar mohair?

Elvemunningar

26. Kva hav renn Rhinen (biletet) ut i?

27. Kva hav renn Donau ut i?

28. Kva hav renn Yangtze ut i?

29. Kva hav renn Volga ut i?

30. Kva hav renn Yukon-elva ut i?

Kommisjonar

31. Kva heiter luxembourgaren som har vore president for EU-kommisjonen sidan 2014?

32. Kva var det fulle namnet til leiaren for Lund-kommisjonen (biletet) som granska ulovleg overvaking i Noreg?

33. Kven var leiar for 22. juli-kommisjonen?

34. Kva land samarbeider Noreg med i fiskerikommisjonen som forvaltar fiskeressursane i Barentshavet?

35. Kva heitte fredsprisvinnaren som leidde Sannings- og forsoningskommisjonen etter at apartheidstyret vart avvikla i Sør-Afrika?

Anarkisme

36. Kva tyder det greske ordet anarkhos?

37. Kva heitte den russiske 1800-talsanarkisten (biletet) som mellom anna skreiv Gud og staten? (Hint: Førenamnet hans var Mikhail.)

38. Kva norsk forfattar gav i 1906 ut Anarkiets bibel?

39. Kva er pseudonymet til forfattaren og forleggjaren Mari Toft, som mellom anna er kjend for arbeidet sitt i Gateavisa?

40. Kva heiter anarkisten og Gateavisa-medarbeidaren som skreiv boka Arbeid mindre – lev mer og vart redaktør for bladet Dine Penger?

Svar på neste side