JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Takk for at du vil dele artikkelen

Den du deler artikkelen med, kan lese og eventuelt lytte til heile artikkelen.
Det gjer vi for at fleire skal oppdage DAG OG TID.

Namnet ditt vert synleg for alle du deler artikkelen med.

Frå sjakkverdaKunnskap

Sjakkmysteriet Adam

Eg hugsar godt Adam, av mange grunnar.

Kvar veke les vi inn utvalde artiklar, som abonnentane våre kan lytte til.
Lytt til artikkelen
Politieskorte for Barbora Skrlova frå Noreg til Praha i 2008. Bamsen er med.

Politieskorte for Barbora Skrlova frå Noreg til Praha i 2008. Bamsen er med.

Foto: Michal Krumphanzl / AP / NTB

Politieskorte for Barbora Skrlova frå Noreg til Praha i 2008. Bamsen er med.

Politieskorte for Barbora Skrlova frå Noreg til Praha i 2008. Bamsen er med.

Foto: Michal Krumphanzl / AP / NTB

2321
20240209
2321
20240209

For fyrste gong i denne spalta må eg ha ein spoiler alert. Kan henda vil du fyrst høyra podkasten Mysteriet Adam på NRK. Men dersom du er ein vaksen lesar som hugsar attende til 2008, så har du vel fått med deg den utrulege historia om gutekvinna Adam.

Den nye podkasten over åtte episodar, laga av Trude Lorentzen, er den største NRK-suksessen i sjangeren nokon gong. Det har gått så lang tid at vi no orkar og ynskjer å høyra alle dei bisarre detaljane. Men sjakken er ikkje med i podkasten, så han kjem her.

Adam (13) gjekk i mottaksklassa på Marienlyst skule hausten 2007. På den tida drog eg kvar måndag kveld på barnesjakk i Oslo Schakselskap på Majorstua. Her spela son min (8) og venene hans frå Bjølsen skule. Oppgåvene mine var å ta imot 20 kroner i deltakaravgift frå borna og føra partiresultata i ein tabell. Eg hugsar godt Adam, av mange grunnar.

Kroppen var lubben og uformeleg. Og jamvel om Adam var låg av vekst, var han eit hårlaust hovud høgare enn åtteåringane som sprang rundt i lokalet mellom partia. Eg tenkte mykje på om sjakkborna ville akseptera Adam, så eg var letta då eg skjøna at dei ikkje brydde seg om den skalla guten.

I podkasten vert det spekulert i om Adam var eit geni, eller kan henda ein idiot savant. Før hen kom til Noreg, Marienlyst skule og sjakklubben, hadde dette spesielle mennesket studert på eit konservatorium og komponert avansert musikk. Men i sjakken «utmerkte» Adam seg på eit anna vis: Adam tapte absolutt alle partia mot dei små ungane hausten 2007. Det vart eit fast ritual: «Korleis gjekk det, Adam?» «Tapte.» Eg førte ein ny null i skjemaet.

Då det vart avdekt at «Adam» var ei tsjekkisk kvinne på 33 år, Barbora Skrlova, kjende eg på skam. Det var noko perverst over dei uskuldige sjakkpartia mellom «Adam» og sjakkborna. Dei mest aktive sjakkforeldra i klubben vart samde om ikkje å seia noko om saka til borna eller andre. Fyrst ti år seinare, i desember 2017, skreiv eg om saka i Dag og Tid. No er ho her på ny.

Kvifor spela Adam sjakk? Eg trur ikkje sjølve sjakken var ein utspekulert plan. Sjakken var nok Barbora på sitt mest truskuldige. Gutekvinna identifiserte seg med Adam og den interessa ho trudde ville passa til ein 13 år gamal gut.

Atle Grønn

Atle Grønn er internasjonal
meister i sjakk.

Digital tilgang til DAG OG TID – heilt utan binding

Prøv ein månad for kr 49.
Deretter kr 199 per månad. Stopp når du vil.

For fyrste gong i denne spalta må eg ha ein spoiler alert. Kan henda vil du fyrst høyra podkasten Mysteriet Adam på NRK. Men dersom du er ein vaksen lesar som hugsar attende til 2008, så har du vel fått med deg den utrulege historia om gutekvinna Adam.

Den nye podkasten over åtte episodar, laga av Trude Lorentzen, er den største NRK-suksessen i sjangeren nokon gong. Det har gått så lang tid at vi no orkar og ynskjer å høyra alle dei bisarre detaljane. Men sjakken er ikkje med i podkasten, så han kjem her.

Adam (13) gjekk i mottaksklassa på Marienlyst skule hausten 2007. På den tida drog eg kvar måndag kveld på barnesjakk i Oslo Schakselskap på Majorstua. Her spela son min (8) og venene hans frå Bjølsen skule. Oppgåvene mine var å ta imot 20 kroner i deltakaravgift frå borna og føra partiresultata i ein tabell. Eg hugsar godt Adam, av mange grunnar.

Kroppen var lubben og uformeleg. Og jamvel om Adam var låg av vekst, var han eit hårlaust hovud høgare enn åtteåringane som sprang rundt i lokalet mellom partia. Eg tenkte mykje på om sjakkborna ville akseptera Adam, så eg var letta då eg skjøna at dei ikkje brydde seg om den skalla guten.

I podkasten vert det spekulert i om Adam var eit geni, eller kan henda ein idiot savant. Før hen kom til Noreg, Marienlyst skule og sjakklubben, hadde dette spesielle mennesket studert på eit konservatorium og komponert avansert musikk. Men i sjakken «utmerkte» Adam seg på eit anna vis: Adam tapte absolutt alle partia mot dei små ungane hausten 2007. Det vart eit fast ritual: «Korleis gjekk det, Adam?» «Tapte.» Eg førte ein ny null i skjemaet.

Då det vart avdekt at «Adam» var ei tsjekkisk kvinne på 33 år, Barbora Skrlova, kjende eg på skam. Det var noko perverst over dei uskuldige sjakkpartia mellom «Adam» og sjakkborna. Dei mest aktive sjakkforeldra i klubben vart samde om ikkje å seia noko om saka til borna eller andre. Fyrst ti år seinare, i desember 2017, skreiv eg om saka i Dag og Tid. No er ho her på ny.

Kvifor spela Adam sjakk? Eg trur ikkje sjølve sjakken var ein utspekulert plan. Sjakken var nok Barbora på sitt mest truskuldige. Gutekvinna identifiserte seg med Adam og den interessa ho trudde ville passa til ein 13 år gamal gut.

Atle Grønn

Atle Grønn er internasjonal
meister i sjakk.

les DAG OG TID.
Vil du òg prøve?

Her kan du prøve vekeavisa DAG OG TID gratis i tre veker.
Prøveperioden stoppar av seg sjølv.

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis