Meir til lågtlønte
LO krev lønsvekst for alle og eit godt oppgjer for dei med lågast løn. Av dei to krava er det oppgjeret for lågtlønte som gjev legitimitet til ein streik i eit mellomoppgjer som vi er i no – og i ei tid der vi må prøva å motverka endå meir inflasjon og høgre rente. Ein lønsvekst vert fort utlikna ved nye renteaukingar.
Dei lågtlønte treng eit godt oppgjer og høgare løn. Ein person som tener 450.000 i året, som mange gjer, har ikkje ei anstendig løn som ein kan leva av. Då kan ein ikkje lita på at lokale lønsforhandlingar skal sikra auken, slik NHO legg opp til. Mange av dei lågtlønte har ikkje eingong lokal forhandlingsrett.
Sjølv mange av dei låglønsgruppene som har denne retten, får ikkje gjennomslag i dei lokale lønsforhandlingane. Resultatet vert i praksis ein ny reell nedgang i løna. Såleis vil skilnadene mellom folk halda fram med å auka.
Ei slik utvikling må vera uakseptabel i eit land som tradisjonelt har lagt vekt på likeverd og små skilnader mellom folk.
Diverre har det dei siste 30–40 åra gått i feil retning. Frå 1990-åra har leiarlønene auka drastisk, og i altfor mange verksemder har dei no nådd eit meiningslaust høgt nivå, også blant koppelet av mellomleiarar.
Sjølv om leiarlønene i prosent av dei totale lønsutgiftene utgjer lite, skaper dei ein særs uheldig symboleffekt som øydelegg for nettopp det vi har streva etter i dette landet: eit mest mogeleg egalitært samfunn.
Å høyra på høgtlønte leiarar som oppmodar til moderasjon, er provoserande og bidreg berre til auka konflikt og streikevilje.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
LO krev lønsvekst for alle og eit godt oppgjer for dei med lågast løn. Av dei to krava er det oppgjeret for lågtlønte som gjev legitimitet til ein streik i eit mellomoppgjer som vi er i no – og i ei tid der vi må prøva å motverka endå meir inflasjon og høgre rente. Ein lønsvekst vert fort utlikna ved nye renteaukingar.
Dei lågtlønte treng eit godt oppgjer og høgare løn. Ein person som tener 450.000 i året, som mange gjer, har ikkje ei anstendig løn som ein kan leva av. Då kan ein ikkje lita på at lokale lønsforhandlingar skal sikra auken, slik NHO legg opp til. Mange av dei lågtlønte har ikkje eingong lokal forhandlingsrett.
Sjølv mange av dei låglønsgruppene som har denne retten, får ikkje gjennomslag i dei lokale lønsforhandlingane. Resultatet vert i praksis ein ny reell nedgang i løna. Såleis vil skilnadene mellom folk halda fram med å auka.
Ei slik utvikling må vera uakseptabel i eit land som tradisjonelt har lagt vekt på likeverd og små skilnader mellom folk.
Diverre har det dei siste 30–40 åra gått i feil retning. Frå 1990-åra har leiarlønene auka drastisk, og i altfor mange verksemder har dei no nådd eit meiningslaust høgt nivå, også blant koppelet av mellomleiarar.
Sjølv om leiarlønene i prosent av dei totale lønsutgiftene utgjer lite, skaper dei ein særs uheldig symboleffekt som øydelegg for nettopp det vi har streva etter i dette landet: eit mest mogeleg egalitært samfunn.
Å høyra på høgtlønte leiarar som oppmodar til moderasjon, er provoserande og bidreg berre til auka konflikt og streikevilje.
Svein Gjerdåker
Fleire artiklar
Butikkvindauge i Worth Avenue i Palm Beach i Florida.
Alle foto: Håvard Rem
Det blonde reservatet
PALM BEACH: Krig og folkevandring verkar inn på alle vestlege val. Eit amerikansk presidentval kan verka andre vegen òg.
Lewis Lapham på Lapham’s Quarterly-kontoret ved Union Square på Manhattan.
Ein lang marsj mot idiotveldet
NEW YORK: Sett frå minnestunda for Lewis Lapham ser den politiske dagsordenen i USA mindre ny ut.
VINNAREN: På søndag vart Herbert Kickls Fridomsparti (FPÖ) for første gongen største parti i det austerrikske parlamentsvalet. Får partiet makt, vil dei jobbe for å oppheve sanksjonar mot Russland.
Foto: Lisa Leutner / Reuters/ NTB
Politikk i grenseland
Austerrikarane ser på seg sjølv som ein fredsnasjon. Likevel røystar ein tredel på prorussiske høgrepopulistar.
Eldspåsetting og steinkasting i Ramels veg i Rosengård i Malmö. Ivar Hippe har intervjua innbyggarar i utsette bydelar i Vest-Sverige.
Foto: Johan Nilsson / TT / AP / NTB
– Det kjem til å bli stygt
Ivar Hippe fekk lyst til å sjå nærmare på dei svenske tilstandane. Etter tre års arbeid er Sverige 2024: Beretninger om et land i krise her. Staten må ta styring, seier han.
Yrka med det høgste sjukefråværet er kvinnedominerte med relasjonelt arbeid og høge emosjonelle krav, skriv Lill Sverresdatter Larsen.
Foto: Gorm Kallestad / NTB
Langvarig overbelastning gir rekordhøyt sykefravær
«Vi har lenge drevet en dugnad for å holde skuta flytende.»