Steroide typar og stereotypar
Baywatch innfrir alle fordommar.
Musklane bular så mykje som berre dei saftigaste stereoid klarer å byggja.
Foto: Frank Masi / UIP
Actionkomedie
Regi: Seth Gordon
Baywatch
Med: Dwayne Johnson, Zac Efron, Priyanka Chopra
Det er opptaksprøve til badevaktjobb i Florida. Alle som er solbrune og har musklar, kan stilla. Og så han eine litt bleike, dvaske som må vera med som moroinnslag, sjølvsagt. Men om du trudde badevakter berre dreiv å berga liv i eitt banka køyr, tek du feil: Dei tek også tjuvar, slemme narkodronningar og mordarar som trugar idyllen på stranda.
Kinakino
Det er fyrste gong eg straks legg merke til at Kina er inne på kinomarknaden i alle ledd: Shanghai Film Group og Huahua Media er inne i eit samarbeid med den gamle Hollywood-giganten Paramount, der dei står for store delar av finansieringa. Den kinesiske filmindustrien har lenge vore kritisert for mykje sensur og lite satsing på relevante tema, så at dei no går inn med pengar på denne opphopinga av pigment og punghumor, lovar ikkje godt. At Dalian Wanda Group no er deleigarar av SF Kino, ei av dei største kinokjedene, bidreg ikkje til utsikter til kvalitetsfilm, om Baywatch er eksempel på kva dei tenkjer servera til popkornet i framtida.
Kroppsdysenteri
David Hasselhoff og Pamela Anderson deiga seg inn i liva våre gjennom over to hundre episodar av TV-serien Baywatch. Kroppane var olja og slanke, og krøllane på brystet og hovudet til Mitch (Hasselhoff) glinsa i sola. Femten år etter har badedraktene til damene like absurd høg hofteskjering, og puppeglidelåsen sit fast i nittitalsmoten. Men hjelpe oss alle, noko har skjedd på kroppsfronten! Éin ting er at det ikkje finst kroppshår i mils omkrets, men mannekroppane spesielt; magane ser ut som brun plastikk, og musklane bular så mykje som berre dei saftigaste steroid klarar byggja. Og det blir stadig kommentert, som om det å sjå ut som ein «hårlaus gorilla» (sitat Brody alias Zac Efron som nye Mitch) burde vera normalt. Not on my baywatch.
Elging i solnedgang
Så om du no sit og er skapfan av TV-serien og lett ofrar ryktet ditt for å få gjenskapt ungdomsparadiset ditt på det store lerretet, er det verdt turen? Sjølvsagt ikkje. Så naive er ingen. Det er to (to!) timar og 120 kroner du aldri får att, timar og kroner du kan bruka i solariet, i treningsstudioet eller på næraste anabole kiosk. Einaste grunnen til å gå er kanskje å få med seg dei spektakulært dårlege spesialeffektane brukte i ei brannscene, for dei er verkeleg noko av det villaste eg har sett på lenge. Om du har humor som ein 12-åring, likar handling på barnefilmnivå og tenkjer at du skal bli verdsmeister i fitness, kjem du til å elska Baywatch.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Actionkomedie
Regi: Seth Gordon
Baywatch
Med: Dwayne Johnson, Zac Efron, Priyanka Chopra
Det er opptaksprøve til badevaktjobb i Florida. Alle som er solbrune og har musklar, kan stilla. Og så han eine litt bleike, dvaske som må vera med som moroinnslag, sjølvsagt. Men om du trudde badevakter berre dreiv å berga liv i eitt banka køyr, tek du feil: Dei tek også tjuvar, slemme narkodronningar og mordarar som trugar idyllen på stranda.
Kinakino
Det er fyrste gong eg straks legg merke til at Kina er inne på kinomarknaden i alle ledd: Shanghai Film Group og Huahua Media er inne i eit samarbeid med den gamle Hollywood-giganten Paramount, der dei står for store delar av finansieringa. Den kinesiske filmindustrien har lenge vore kritisert for mykje sensur og lite satsing på relevante tema, så at dei no går inn med pengar på denne opphopinga av pigment og punghumor, lovar ikkje godt. At Dalian Wanda Group no er deleigarar av SF Kino, ei av dei største kinokjedene, bidreg ikkje til utsikter til kvalitetsfilm, om Baywatch er eksempel på kva dei tenkjer servera til popkornet i framtida.
Kroppsdysenteri
David Hasselhoff og Pamela Anderson deiga seg inn i liva våre gjennom over to hundre episodar av TV-serien Baywatch. Kroppane var olja og slanke, og krøllane på brystet og hovudet til Mitch (Hasselhoff) glinsa i sola. Femten år etter har badedraktene til damene like absurd høg hofteskjering, og puppeglidelåsen sit fast i nittitalsmoten. Men hjelpe oss alle, noko har skjedd på kroppsfronten! Éin ting er at det ikkje finst kroppshår i mils omkrets, men mannekroppane spesielt; magane ser ut som brun plastikk, og musklane bular så mykje som berre dei saftigaste steroid klarar byggja. Og det blir stadig kommentert, som om det å sjå ut som ein «hårlaus gorilla» (sitat Brody alias Zac Efron som nye Mitch) burde vera normalt. Not on my baywatch.
Elging i solnedgang
Så om du no sit og er skapfan av TV-serien og lett ofrar ryktet ditt for å få gjenskapt ungdomsparadiset ditt på det store lerretet, er det verdt turen? Sjølvsagt ikkje. Så naive er ingen. Det er to (to!) timar og 120 kroner du aldri får att, timar og kroner du kan bruka i solariet, i treningsstudioet eller på næraste anabole kiosk. Einaste grunnen til å gå er kanskje å få med seg dei spektakulært dårlege spesialeffektane brukte i ei brannscene, for dei er verkeleg noko av det villaste eg har sett på lenge. Om du har humor som ein 12-åring, likar handling på barnefilmnivå og tenkjer at du skal bli verdsmeister i fitness, kjem du til å elska Baywatch.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Fleire artiklar
Reisande på Gardermoen i juni i år. Oslo lufthamn er i særklasse den mest lønsame flyplassen Avinor driv. Dei aller fleste norske flyplassane går med underskot.
Foto: Javad Parsa / NTB
Avinor-krisa tok ikkje slutt da pandemitiltaka gjorde det. Kan det vere styringsmodellen det er noko gale med?
Foto: Håkon Mosvold Larsen / NTB
–FN-soldatane er det internasjonale samfunnets gissel mellom Israel og Hizbollah, seier Robert Mood.
Teikning: May Linn Clement
«Vladimir Putin har grunn til å vera nøgd med stoda i krigen i Ukraina.»
Brosundet i jugendbyen Ålesund.
Foto: Halvard Alvik / NTB
Opprør utan variasjon og dekor
«Opprørarane sveisar fast at berre den typen arkitektur opprørarane sjølve godtek, er kultur.»
Han Kang er den fyrste sørkorearen som vinn Nobelprisen i litteratur.
Foto: Yonhap News Agency / NTB
«Det er språkarbeidet og dei poetiske scenene, som råkar lesaren.»
Sørkoreanaren Han Kang får Nobels litteraturpris for 2024