Den 76. Nordnorske Kunstutstilling

15. januar –13. februar

Bodø kunstforening

Den 76. Nordnorske Kunstutstilling – Nordnorsken – er ei landsdelsutstilling arrangert av Bodø kunstforening med kunstnarar tilknytte landsdelen. Den juryerte utstillinga skal visast fleire stader i Nordland, Troms og Finnmark i løpet av året.

Georg Jacobsen

16. oktober 2021–13. februar 2022

Gråmølna, Trondheim kunstmuseum

Den omfattande utstillinga heidrar den danske målaren Georg Jacobsen (1887–1976). Her er også mange skisser og studium som synleggjer korleis Jacobsen konstruerer bilda sine. Han utvikla og formidla komposisjonsteoriar som fekk stor tyding for norsk bildekunst gjennom generasjonar.

Paul McCarthy. Dead End Hole

19. november 2021–27. mars 2022

Kode 2 og 4, Bergen

Utstillinga er del av ein serie mønstringar av amerikanske kunstnarar. Sidan slutten av sekstiåra har musikaren og bildekunstnaren Paul McCarthy vist sterkt samfunnskritiske og grenseoverskridande verk. Filmane som skal visast, har symptomatisk nok 18-årsgrense.

«Dead End Hole» er den første omfattande presentasjonen av McCarthy her i landet, og alle verka er nyproduserte for Bergen.

Almås og Bamarni. Havet

13. januar–13. februar

Khåk, Ålesund

Gjennom ei omfattande utstilling med 57 bilde, videoverk og installasjonar skildrar Hilde Rosenberg Bamarni og Silje Almås den personlege tilknytinga ein har til havet. Her er sjøroser på golvet, vi ser kystlandskap og hav reflektert i dykkarmasker, og bølgjande rørsler går att i gjennom den rike utstillinga.

Mikkel Wettre –

Lake of Three Eyes

Mattias Härenstam –

Hengende skygge føder lyset

14. januar–13. februar

Kunstgarasjen, Bergen

Kunstnarane viser treskulpturar, installasjonar og trykk. Kunstgarasjen arbeider for å styrke inntektsgrunnlaget til kunstnarane i regionen.

Mari Slaattelid. Blason

22. januar–13.mars

Kristiansand Kunsthall

Utstillinga viser mellom anna den nye serien Blason, måleri som er inspirerte av omgrepet ein nyttar om den enkle og konsise metoden ein skildrar våpenskjold på.