Dylan Thomas:

Den handa som
skreiv under

Den handa som skreiv under felte byen,

fem fyrstefingrar rekna pust i tal,

dobla kloden av døde, halverte riket,

desse kongar fem vart ein konges fall.

Ei mektig hand får krampe i fingerledda,

eit stykke kritt gjer aksla slakk;

ei gåsefjør fekk sett ein strek for morda,

som sette ein strek for snakk.

Den handa som skreiv under på traktaten

avla feber, svolt og ramn;

stor er den hand som veldig held i maten

folk, med eit rabla namn.

Fem kongar tel dei døde, men lindrar ikkje

eit skorpa sår, gjer panna god;

ei hand rår for medynk, ei hand rår himmelriket,

men utan tåreflod.

Gjendikting ved Åsmund Bjørnstad,

Frå Dikt på min gebursdag

Bokvennen 2014