1. Smal kunst: Studio Hugo Opdal Project Space held til i Noregs smalaste byhus. Jugendhuset i Ålesund måler berre 2,94 meter. I dette kunstgalleriet finn du sjølvsagt berre smal kunst. Ut februar finn du verk frå det kritikarroste samarbeidet mellom Bjarne Melgaard og Sverre Bjertnes. Gratis inngang.

2. Verdas smalaste: Ting treng ikkje koste noko. Naturen i Noreg er framleis fri. Nokre av oss er så heldige at vi berre kan stige i støvlane og opne døra, så er vi der. Nærøyfjorden er ein av verdas smalaste fjordar. Her kan du padle eller ro stilt langsmed land i 17 kilometer. Kanskje får du fisk også. Eller du kan gå den smale vegen langs delar av fjorden, på den gamle postvegen mellom Oslo og Bergen.

3. Smalhans: Ordet smalhans kom til Bergen med hanseatane og har sidan blitt brukt om knappe ressursar. Ein smal kokk på kjøkkenet lova ikkje godt for det som kom på bordet. Bydelsrestauranten Smalhans på St. Hanshaugen i Oslo har snudd ordet til noko positivt. Dei reklamerer med at dei lagar mat av kvalitetsvarer til rett pris og ser verdien av det som andre ser på som verdilaust.

Ingunn Røyset