For ganske mange år sidan (men det verkar som det var i går) skreiv eg ein fin sommarsong som eg serverte her på Innsida. Songen forsvann sporlaust, og ingen har klart å finne han att, endå eg har engasjert ein skokk av privatetterforskarar, i tillegg til advokaten min, den framsynte Joachim Cappelen Damm. Så dermed måtte eg bite i det sure graset og prøve meg på ein stakkarsleg og forkorta rekonstruksjon. Om nokon i Dag og Tid-stova sit og ruger på originalen, så kan dei gjerne sende han til meg. Løysepengar vil bli utbetalte, i no utgåtte 200-lappar.