Om to veker opnar Bergen internasjonale litteraturfestival for andre gong. I år som i fjor finn den stad på Litteraturhuset i Bergen, frå 6. til 9. februar. Festivalen skil seg ut med å by på like mengder skjønnlitteratur og sakprosa, og like mengder internasjonale og lokale forfattarar.

Leiar for festivalen, Teresa Grøtan, seier at det er dette som kjenneteiknar heile prosjektet: det internasjonale perspektivet og fokuset på sakprosa. «Vi kryssar sjangergrenser og geografiske grenser.»

Dei held òg eit lågterskels-skrivekurs for dei som sjølv ber på ein draum om å skrive. I år er tema for festivalen «kvardag», og dette som er utgangspunkt for kurset, som skal handle om korleis ein skriver om minner og korleis ein kan gjøre nytte av personlege erfaringar i skrifta.

Festivalen er oppteken av å nå eit breiare publikum enn det typiske litteraturfestival-publikummet. Derfor satsar dei spesielt på å få med seg den engelskspråklege befolkninga av Noreg, menn, og ungdom.