Skal dette bli ein sonett om Nixon?

Då er det best å halda blodet kaldt

Og ikkje prøva på å få med alt.

Eg manglar rimord og må ty til Kniksen,*

det er det einaste eg finn i farten –

men kanskje er det kje så dumt, for spark

i magen kan dei begge gi, og slark

hos andre toler ingen av dei. Så starten

gjekk jo bra, berre ein snau sestett står igjen!

Kva veit me visst om Nixon, anna enn

Det me trur me veit? Som andre menn

går han vel og blæs seg opp til mann.

(No, Muse, må du blåsa alt du kan!)

Men Nixon kjenner Chile – og Chile han.

Per Olav Kaldestad (f. 1947)

* Kniksen var ein kjend fotballspelar på Brann, vidgjeten som driblefantom og hissigpropp.