André Løyning

andre@dagogtid.no

Regjeringa gjer framlegg om å gje statsstipend til Evy Johanne Håland og Bjarte Bruland i budsjettet for 2019. Håland får stipendet for sitt arbeid med å syne kultisk kontinuitet mellom antikkens og dagens Hellas, eit arbeid som dekkjer både antikkstudiar, historie, religionsvitskap, etnologi og sosialantropologi. Ho er ein internasjonalt orientert forskar, og den tverrfaglege tilnærming hennar er eit viktig bidrag i både norsk og internasjonal samanheng, skriv regjeringa i ei pressemelding.

Bruland får stipendet for sin medverknad til å byggje opp Jødisk Museum og utvikle ein database med opplysningar om dei nesten 2200 jødane som var busette i landet ved den tyske invasjonen. Forskinga og formidlinga hans er viktige bidrag til at dette mørke kapittelet i soga vår ikkje blir gløymt, skriv regjeringa.

Statsstipendet er i dag på 442.400 kroner per år og blir utbetalt til stipendiaten når pensjonsalderen ved fylte 67 år.