Ikkje utan døtrene mine
Du skal tola ein del store dosar sentimentalitet og klisjear for å kosa deg med Herself.
Småbarnsmora Sandra (Clare Dunne) må gå frå den valdelege ektemannen og klare seg sjølv.
Foto: Another World Entertainment
Drama
Regi: Phyllida Lloyd
Herself
Med: Clare Dunne, Harriet Walter, Ian Lloyd Anderson
Kinofilm
Når småbarnsmora Sandra (Dunne) må inn i sosialvesenet for å koma seg unna den valdelege mannen, tek ho saka i eigne hender for å fiksa seg ein plass å bu, men det skjer ikkje utan kamp. Så kjem hjelp frå uventa hald.
Hennar kamp
Det er noko Roddy Doyle-sk over Herself, slår det meg – historieforteljing over same lest som The Commitments (1987), The Snapper (1990) og The Van (1991), med hardtarbeidande, fattige slitarar som gjer det dei kan for å halda seg og familien oppe.
Så er det rimeleg trist å tenkja at denne typen evigvarande katolske arbeidarklasseproblematikk går igjen og igjen fordi irane nok slit med desse sosiale problema på ein heilt annan måte enn andre vesteuropeiske land. Det er berre at når det kjem på film, så kan det vippa over i sentimentalisme, og det gjer det titt og ofte både i Doyle-filmatiseringane og i Herself.
Alt frå starten er det for mykje stakkars ditt og stakkars datt, slik at når Sandra tek tak og vil til med sjølvbygging, er det så kraftig understreka at det er mot alle odds, at ein berre veit det må gå bra til slutt.
Varm realisme
Doyle-samanlikninga er heller ikkje til regissør Phyllida Lloyds fordel når persongalleriet er for påklistra i Herself, for konstruerte i den velmeinande blandinga av nytenkjande, progressive hippiar, trauste, solide arbeidskarar og i midten ei storøygd, sårbar, men veldig tøff kvinne som gjer alt i si makt fordi ho fyrst og fremst er mor.
Eg veit ikkje, eg får berre litt for kraftige vekebladassosiasjonar à la Ikke uten min datter. Slik sett kan denne filmmeldinga fungera for dei som elskar den type historier, for det er heilt på plass etter oppskrifta. Det er ein varm film, med skjønne ungar, prektige «jordas salt»-karakterar og ei streng, bisk dame med pengar som viser seg å ha eit hjarte av gull.
Så nokon krass sosialrealisme i den britiske tradisjonen til regissørar som Ken Loach eller Mike Leigh treng du verken forventa deg eller bekymra deg for, alt etter kva du skulle føretrekkja.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Phyllida Lloyd
Herself
Med: Clare Dunne, Harriet Walter, Ian Lloyd Anderson
Kinofilm
Når småbarnsmora Sandra (Dunne) må inn i sosialvesenet for å koma seg unna den valdelege mannen, tek ho saka i eigne hender for å fiksa seg ein plass å bu, men det skjer ikkje utan kamp. Så kjem hjelp frå uventa hald.
Hennar kamp
Det er noko Roddy Doyle-sk over Herself, slår det meg – historieforteljing over same lest som The Commitments (1987), The Snapper (1990) og The Van (1991), med hardtarbeidande, fattige slitarar som gjer det dei kan for å halda seg og familien oppe.
Så er det rimeleg trist å tenkja at denne typen evigvarande katolske arbeidarklasseproblematikk går igjen og igjen fordi irane nok slit med desse sosiale problema på ein heilt annan måte enn andre vesteuropeiske land. Det er berre at når det kjem på film, så kan det vippa over i sentimentalisme, og det gjer det titt og ofte både i Doyle-filmatiseringane og i Herself.
Alt frå starten er det for mykje stakkars ditt og stakkars datt, slik at når Sandra tek tak og vil til med sjølvbygging, er det så kraftig understreka at det er mot alle odds, at ein berre veit det må gå bra til slutt.
Varm realisme
Doyle-samanlikninga er heller ikkje til regissør Phyllida Lloyds fordel når persongalleriet er for påklistra i Herself, for konstruerte i den velmeinande blandinga av nytenkjande, progressive hippiar, trauste, solide arbeidskarar og i midten ei storøygd, sårbar, men veldig tøff kvinne som gjer alt i si makt fordi ho fyrst og fremst er mor.
Eg veit ikkje, eg får berre litt for kraftige vekebladassosiasjonar à la Ikke uten min datter. Slik sett kan denne filmmeldinga fungera for dei som elskar den type historier, for det er heilt på plass etter oppskrifta. Det er ein varm film, med skjønne ungar, prektige «jordas salt»-karakterar og ei streng, bisk dame med pengar som viser seg å ha eit hjarte av gull.
Så nokon krass sosialrealisme i den britiske tradisjonen til regissørar som Ken Loach eller Mike Leigh treng du verken forventa deg eller bekymra deg for, alt etter kva du skulle føretrekkja.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Fleire artiklar
Eva Vezjnavets, psevdonym for Svjatlana Kurs, blir sett på som ein av dei mest originale samtidsforfattarane frå Belarus, skriv forlaget.
Foto: Alenz Kazlova
Stort frå Belarus
Eva Vezjnavets skriv med fandenivaldsk sorg over heimlandet.
Stølspurka og dei to grisungane. Enno er alt berre velstand.
Alle foto: Svein Gjerdåker
Soga om stølspurka
Verdas mildaste purke var med på stølen. Det gjekk ikkje som planlagt.
Eit utval Tik-Tok-augneblinkar. Frå venstre Klassekampen-journalist Jo Røed Skårderud, som kallar seg Surjournalist, nyhendeprofilen Dylan «News Daddy» Page og Donald Trump som seier at han vil vurdere TikTok-forbodet.
Skjermdump
Nyhende ifølgje TikTok
Barn og ungdom føretrekkjer TikTok som nyhendekanal. Der opererer ferske nyhendeprofilar side om side med redaktørstyrte medium og propagandistar.
West German Film Director Werner Herzog, on the roof of the Festival Palace for the presentation of his film Where the Green Ants Dream at 37th International Cannes Film Festival, May 14, 1984, Cannes, France.
Foto: Michel Lipchitz / AP / NTB
Herzogs grenselause liv
Werner Herzog har levd eit vilt og romantisk liv, alltid klar til å ofre alt for kunsten.
Sunniva Gylver framfor Fagerborg kyrkje, der ho er prest i dag.
Foto: Svein Gjerdåker
Den nye biskopen i Oslo, Sunniva Gylver, lever i trua på at Jesus er Guds son.
– Eg talar med Gud nesten heile tida
Papiravisa