Trippel marsjetakt
Duoen frå Dar-Es-Salaam ringer langhelga inn i høgt tempo.
Elektronisk musikk
Sisso og Maiko:
Singeli Ya Maajabu
Nyege Nyege Tapes
I dag skriv vi 16. mai. Russen skvakkar i berg og nord, og hjuringen – russebussjåføren er vel ein slags hyrding – blæs i horn. Subbasshorna buldrar kraftigare for kvart år som går; det dirrar i fjellet (faktisk). I morgon kjem sjølvaste 17. mai, du skjønne milde, og vi skal alle saman ete krone-is og pølse i brød. I pinsa, den mest psykedeliske blant kristne høgtider, startar underteikna sitt femte tiår på jordi. Party time! som det heiter på godt norsk.
Eg var ikkje russ, så brorparten av min kjennskap til russehitar kjem frå russebussane som rullar gjennom Nittedal kvart år på denne tida, eit sikkert vårteikn. Andre former for fest- og dansemusikk har eg derimot god peiling på. Eg skal la janitsjaren stå for den tradisjonelle marsjen og rette merksemda mot den afrikanske dansemusikksjangeren singeli, som fort kan gå om lag tre gonger så fort.
Det tutar og går frå start: Opningssporet «Chuma» kallar til dans i gatene med horn og trommer; tredje låt, «Uhondo», kunne passe som lydspor til opptakten til sluttspelet i eit dramatisk eggekampslag. «Kiboko» tar energien ned nokre hakk med sin utbroderte dissonans og mangefasetterte kakofoni, og det tilsynelatande uorganiserte tonale ljodbiletet manar fram bilete av sjanglande trinn langs sleipe bussvegg-til-bussvegg-teppe.
«Mangvale» signaliserer den ambivalente opplevinga av soloppgangen når det er så seint at det er tidleg, og herifrå vekslar musikken mellom galopperande hesteskokast og snublande sekkeløp, ein hamnar midt i drillkorpset, apostlane talar i tunger, kasteknallet fyk, pølsesennepen flyt, lykkehjulet spinn og krone-isen smeltar. Denne hektiske plata er ein plausibel profeti om det som står føre oss. God langhelg!
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk musikk
Sisso og Maiko:
Singeli Ya Maajabu
Nyege Nyege Tapes
I dag skriv vi 16. mai. Russen skvakkar i berg og nord, og hjuringen – russebussjåføren er vel ein slags hyrding – blæs i horn. Subbasshorna buldrar kraftigare for kvart år som går; det dirrar i fjellet (faktisk). I morgon kjem sjølvaste 17. mai, du skjønne milde, og vi skal alle saman ete krone-is og pølse i brød. I pinsa, den mest psykedeliske blant kristne høgtider, startar underteikna sitt femte tiår på jordi. Party time! som det heiter på godt norsk.
Eg var ikkje russ, så brorparten av min kjennskap til russehitar kjem frå russebussane som rullar gjennom Nittedal kvart år på denne tida, eit sikkert vårteikn. Andre former for fest- og dansemusikk har eg derimot god peiling på. Eg skal la janitsjaren stå for den tradisjonelle marsjen og rette merksemda mot den afrikanske dansemusikksjangeren singeli, som fort kan gå om lag tre gonger så fort.
Det tutar og går frå start: Opningssporet «Chuma» kallar til dans i gatene med horn og trommer; tredje låt, «Uhondo», kunne passe som lydspor til opptakten til sluttspelet i eit dramatisk eggekampslag. «Kiboko» tar energien ned nokre hakk med sin utbroderte dissonans og mangefasetterte kakofoni, og det tilsynelatande uorganiserte tonale ljodbiletet manar fram bilete av sjanglande trinn langs sleipe bussvegg-til-bussvegg-teppe.
«Mangvale» signaliserer den ambivalente opplevinga av soloppgangen når det er så seint at det er tidleg, og herifrå vekslar musikken mellom galopperande hesteskokast og snublande sekkeløp, ein hamnar midt i drillkorpset, apostlane talar i tunger, kasteknallet fyk, pølsesennepen flyt, lykkehjulet spinn og krone-isen smeltar. Denne hektiske plata er ein plausibel profeti om det som står føre oss. God langhelg!
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Finansminister Trygve Slagsvold Vedum (Sp) på pressekonferanse etter framlegginga av statsbudsjettet måndag. For dei som er opptekne av klima, var ikkje budsjettet godt nytt.
Foto: Fredrik Varfjell / NTB
Kapitulasjon i klimapolitikken
Regjeringa veit ikkje om statsbudsjettet bidreg til å redusere eller å auke klimagassutsleppa. Derimot er det klart at det nasjonale klimamålet for 2030 ikkje blir nådd.
Etter nokre år er det ikkje like heitt mellom Maria (Helga Guren) og Sigmund (Oddgeir Thune).
Foto: Filmweb.no
«Regissør og manusforfattar Lilja Ingolfsdottir står for den mest klaustrofobiske filmen på lange tider – og ein av dei beste.»
Foto: Agnete Brun
Med den monumentale boka Sjøfareren Erika Fatland gitt oss eit uvant, og skremmande, perspektiv på europeisk kolonialisme.
Moss–Horten-ferja er den mest trafikkerte i landet. Skjer det noko uføresett, som då dei tilsette blei tatt ut i LO-streik i fjor, veks køane på begge sider av fjorden.
Foto: Terje Bendiksby / AP / NTB
Ferja, ein livsnerve for mange, er eigd av folk vi ikkje aner kven er, utanfor vår kontroll.
Kongsbonden Johan Jógvanson bur i den Instagram-venlege bygda Saksun. Men sjølv om han skjeller ut turistar, er det ikkje dei han er forbanna på. Det er politikarane inne i Tórshavn.
Alle foto: Hallgeir Opedal