1. Kva heiter systemet av gassrøyrleidningar under Austersjøen, mellom Russland og Tyskland? Det vart nyleg råka av lekkasjar, eller kan hende me bør seie sabotasjar.

2. Det finst fleire typar naturgass, med ulik samansetning av hydrokarbon med meir. Kva heiter det enklaste hydrokarbonet?

3. Kva er det korrekte namnet på gassen som gjerne vert kalla kolsyre når me finn han i leskedrikkar?

4. Kven er den einaste norske kvinna som har vorte offisiell verdsmeister i hurtigløp på skøyter, allround?

5. Örebro ligg ved den vestlege enden av kva stor svensk innsjø?

6. Kva heiter den japanske papirbrettekunsten?

7. Kva sentral person under den franske revolusjonen vart justisminister då kongen vart avsett 10. august 1792? Vedkommande kom frå Champagne og var opphavleg advokat.

8. Kva salme frå 1923 av David Welander har fleire gongar vorte kåra til «hundreårets salme» eller liknande?

9. Det har vore store demonstrasjonar i Iran etter at 22-åringen Mahsa Amini døydde. Kva for eit plagg var det ho brukte på feil måte, ifylgje moralpolitiet?

10. Kor mange artar er det i palmefamilien: 5, om lag 50 eller rundt 2500?

11. I kva by kan du vitje musikkfestivalen Palmesus, som vert arrangert kvart år på Bystranda?

12. Kva for eit konstruert bokmålsord er samansett av to føreledd og to etterledd som lenge har vore upopulære på nynorsk?

13. Under kva kort namn kjenner me verdas nest høgaste fjell, berre overgått av Mount Everest?

14. I 2022 har det kome biografi om Georg Johannesen. Kva heiter debutromanen hans frå 1957, med ei årstid og ein månad i tittelen?

15. Eit anna verk frå 1957 er Sidney Lumets filmklassikar. Kor mange eidsvorne menn (angry men) handlar filmen om?

16. Det har til nå vore seks rektorar ved NTNU. Nemn éin av dei.

17. Kva for eit ord er det Nynorskordboka definerer slik: «gardinstong som kan regulerast på lengda»?

18. Eratostenes’ sil er ein enkel algoritme for å finne kva?

19. Nemn eit leveår for Eratostenes, som mellom anna kom fram til jordas omkrins ganske nøyaktig.

20. Kva sjakkbrikke går på anten berre kvite felt eller berre svarte felt?

21. Kva for eit namn på to ord kan vere ein norsk romanfigur frå 1883? Det er òg eit kallenamn mange nytta på 2000-talet om eit medlem av den norske kongefamilien.

Svar på spørsmåla

1. Nord Stream

2. Metan

3. Karbondioksid

4. Laila Schou Nilsen

5. Hjälmaren

6. Origami

7. Georges Danton

8. «Navnet Jesus blekner aldri»

9. Hijab

10. Rundt 2500

11. Kristiansand

12. Anbehetelse

13. K2

14. Høst i mars

15. Tolv

16. Ein av Karsten Jakobsen, Emil Spjøtvoll, Eivind Hiis Hauge, Torbjørn Digernes, Gunnar Bovim eller Anne Borg

17. Kirschstong

18. Primtal

19. Eit år i tidsrommet 276–194 før Kristus (Åra er omtrentlege, så me godtek frå og med 280 til og med 190 før Kristus.)

20. Løpar

21. Vesle Marius (Lille Marius)