1. Vladimir Putin heldt ein tale 21. september. Like etter kunngjorde den russiske forsvarsministeren at 300.000 reservesoldatar skal verte mobiliserte. Kva for ein Sergej er det?

2. Lammekjøt og auberginar er typiske ingrediensar i kva kjend omnsrett som er særleg knytt til Hellas?

3. I 1858 kom Edvard Grieg som student til kva tysk by?

4. Tokyo har to store flyplassar. Nemn éin av dei. I båe tilfella held det med eit enkeltord.

5. Kva for ei av desse amerikanske countrydamene lever (per 1. september 2022): Emmylou Harris, June Carter Cash eller Lynn Anderson?  

6. I kva år som sluttar på 7, gjorde Christiaan Barnard den første vellukka hjartetransplantasjonen på eit menneske?

7. I kva kommune ligg tettstaden Vingrom? Då er me ei knapp mil sør for byen som deler namn med kommunen.

8. I kva vintersport vart VM arrangert på Vingrom i 1977?

9. Kva heiter 25-åringen frå Vingrom som nyleg tok Noregs tredje senior-VM-gull i landevegssykling?

10. Det nemnde VM-gullet kom i Wollongong sør for Sydney. Kva australsk delstat skal me til?

11. Kvar lever wobbegongane, til dømes arten flekkwobbegong: i Amazonas, i havet eller i Himalaya?

12. Kva slags gjenstand på s kan vere av typen wobbler?

13. Kva for eit familienamn gjev namn til fire britiske kunstsamlingar: (…) Britain, (…) Liverpool, (…) St. Ives og (…) Modern?

14. Krigsseileren (2022) er den dyraste norske filmen nokosinne. Er hovudpersonane Alfred, Cecilia og Sigbjørn historiske eller fiktive?

15. Om lag kor mange norske krigsseglarar var det under andre verdskrigen? Overslaget i fasiten har 4 som fyrste siffer følgt av fleire 0-ar.

16. Krigsseglarane vart behandla dårleg etter krigen, men er no vurderte som Noregs viktigaste bidrag til at dei allierte vann. Fyrst i 2013 bad forsvarsministeren om orsaking på vegner av staten. Kva bergensar var det?

17. Kva for eit dyr er Ole Brumms sørgmodige ven Tussi?

18. Under kva for eit namn på seks bokstavar kjenner me favorittkona til Shah Jahan? Det vil seie ho han bygde Taj Mahal til minne om.

19. Kva hovudfarge har planeten Neptun?

20. Kva afrikansk øynasjon har namn etter ein apostel og ein tronarving?

21. Det religiøse verket Tanakh vart primært skrive på kva for eit språk?

Svar på spørsmåla

1. Sergej Sjojgu

2. Moussaka

3. Leipzig

4. Haneda eller Narita

5. Emmylou Harris

6. 1967

7. Lillehammer kommune

8. Skiskyting

9. Tobias Foss

10. New South Wales

11. I havet (På norsk er dei også kjende som skjegghaiar.)

12. Sluk (fiskesluk)

13. Tate

14. Fiktive (Filmen er likevel basert på sanne historier.)

15. Om lag 40.000 (Det er noko kjeldesprik. Krigsseilerregisteret.no har registrert nær 38.000 nordmenn.)

16. Anne-Grete Strøm-Erichsen

17. Esel

18. Mumtaz

19. Blå

20. São Tomé og Príncipe

21. Hebraisk