1. Ein som har skrive biografi om Elizabeth 2., seier at den største gjerninga til dronninga var å løyse opp kva? Svaret er på tre ord. Det var verdas største, på det meste 35,5 millionar kvadratkilometer.

2. Kven var statsminister i Storbritannia i 1952, då Elizabeth 2. vart monark?

3. Kva heiter kapellet på Windsor Castle der ho skal kvile saman med prins Philip, kong Henrik 8. og mange andre?

4. Kva farge har som regel botnen på strikkegenseren islendar?

5. I vinter-OL til og med 1948 arrangerte ein kombinert med kva for ein idrett fyrst?

6. I kva for eit Ibsen-stykke har tittelpersonen førenamnet Halvard? Han er gift med Aline, og det vert vanskeleg når Hilde Wangel kjem på besøk.

7. I Frelsesarmeen er Lisbeth og Knud David Welander leiarar av territoriet som omfattar Noreg, Island og Færøyane. Båe ektefellane har kva tittel? Det er den nest høgaste offisersgraden, berre overgått av general.

8. Kva tyder trønderdialektordet veinnmøl, som har gjeve namn til Vømmøl Spellmannslag?

9. Vømmøl Spellmannslag var store i 1970-åra, mellom anna med eit instrument av ein seljestokk og ein støvel. Kalla dei instrumentet for lark, lerk, lirk, lork eller lurk?

10. Kva meir eller mindre nær instrumentslektning i Australia er ein hol trestokk, gjerne av eukalyptus?

11. Er eukalyptustre bartre eller lauvtre?

12. Årets utgåve av Haustutstillinga er i gang. Kva bygning i Oslo husar samtidskunsten?

13. Haustutstillinga vart arrangert for fyrste gong i 1882, same året som tuberkelbakterien vart oppdaga. Kva sentral tysk lækjar stod for det sistnemnde?

14. På kva øy ligg Nordkapplatået?

15. Kva heiter systemet av gassrøyrleidningar under Austersjøen mellom Russland og Tyskland? Etter sanksjonane mot Ukraina-krigen har dei russiske leveransane vorte mindre og mindre.

16. Om lag kor mange spelefilmar har Woody Allen regissert: 20, 50 eller 80?

17. Kva for eit namn på b har kjøtpaien som er å rekne for nasjonalrett i Sør-Afrika?

18. Kven har skrive og teikna barnebøkene om Gubben og katten?

19. Pakistan er hardt råka av flaum. Det gjeld òg den viktigaste elva i landet. Kva elv?

20. Bryne har vunne cupfinalen i herrefotball éin gong. Det var i kva for eit år som sluttar på 7?

21. Kva for eit vanleg synonym på tre ord har me for det kroppslege alarmsignalet hematuri?

SVAR PÅ SPØRSMÅLA:

1. Det britiske imperiet

2. Winston Churchill

3. St. Georgs kapell (St. George’s Chapel)

4. Kvit

5. Langrenn (I dag er det motsett, med skihopping fyrst.)

6. Bygmester Solness

7. Kommandør (commissioner på engelsk)

8. Vadmål (vadmel på bokmål)

9. Lurk

10. Didjeridu

11. Lauvtre

12. Kunstnernes Hus

13. Robert Koch

14. Magerøya

15. Nord Stream

16. Om lag 50

17. Bobotie

18. Sven Nordqvist

19. Indus

20. 1987

21. Blod i urinen