Det var i vinter Kevin Morby slo seg saman med Waxahatchees Katie Crutchfield for å tolke eit par songar av Jason Molina, låtskrivaren og artisten fleire lesarar vil kjenne frå bandprosjekt som Songs: Ohia og Magnolia Electric Co. Valet fall på eit par av Molinas mest kjende songar: «Farewell Transmission» og «Dark Don’t Hide It».

Korleis nærme seg dette materialet?

Crutchfield skreiv ned teksten til «Farewell Transmission», og så sette dei to seg ned og såg på kva songen eigentleg dreidde seg om. Ein strategi ikkje heilt ulik den som fleire som har drøymt om å verte forfattar, har brykt, ifølgje Morby i eit intervju med NPR: «Dei skriv ut det siste avsnittet i F. Scott Fitzgeralds The Great Gatsby fordi det er så perfekt – kjensla av å ha skrive det sjølv er noko for seg sjølv», sa artisten til radiokanalen.

Molina var berre 39 då han døydde i 2013 av organsvikt på grunn av for høgt alkoholforbruk. Men platene finst enno – og Morby og Waxahatchee peikar ut vegen med dei fine tolkingane sine.

Øyvind Vågnes