1. Kven vart sesongen 2022–2023 den fyrste nordmannen på 16 år til å vinne hoppveka?

2. Oldefar Thorbjørn Egner gav ut boka Folk og røvere i Kardemomme by det året Warszawapakta vart underskriven og sett i verk. Kva år?

3. Sett Kamerun, Kapp Verde og Kenya i rekkefylgje frå best til dårlegast plassering på Democracy Index.

4. Kva gjenstand kan til dømes ha to handtak, innebygd reinsar og eit kammer til å ha fedd i?

5. Kva tid i kyrkjeåret er me i no, tida mellom jul og faste?

6. Shabana Rehman gjorde mange stunt for å formidle bodskapen sin. Kva for eit av dei skjedde i 2004 på utestaden Smuget i Oslo?

7. Rehman vart fødd i den største byen i Pakistan. Kva by er det?

8. Kva heiter Ungarns mest kjende folkedans? Her kan ei fyrstinne vere til hjelp.

9. Er demens ein del av normal aldring hos menneske?

10. Denne skodespelaren frå Stavanger er fødd i 1971, er kjend frå teater, film og TV og har fått både Heddaprisen, Amandaprisen og Gullruten. Etternamnet har ho frå far sin, som er engelsk.

11. Kva keramikkprodusent står bak dei særs populære Mummi-koppane?

12. Kva slags skapningar er brørne Brokk og Sindre i norrøn mytologi? Dei lagar mellom anna hammaren Mjølner.

13. Fjellfiolblomar har hovudsakeleg kva farge?

14. I 2023 har Kongressen, Høgsterett og presidentkontoret i Brasília vorte storma. Alle institusjonane ligg på plassen som passande nok heiter Praça dos Três Poderes. Kva tyder det portugisiske namnet?

15. Kva italiensk herrefotballag vann Serievinnarcupen og Meisterligaen i 1964, 1965 og 2010?

16. Kva heiter enkjekeisarinna som var Kinas eigentlege makthavar frå 1861 og meir eller mindre fram til ho døydde i 1908? Eg ynskjer eit namn på fire bokstavar.

17. Me skal fram til to Agder-kommunar som deler både fyrste og andre bokstav i namnet. Dei er nesten naboar og ligg høvesvis nord og sør for Valle kommune.

18. Over til laboratoriet. Kva heiter den låge, flate plast- eller glasskåla som er standard når ein skal dyrke bakteriar og sopp? Namnet er etter ein tysk bakteriolog.

19. Kva person med leveåra 1942–2018 tronar øvst på magasinet Rolling Stone si nye liste «The 200 Greatest Singers of All Time»?

20. Kva er alkoholprosenten i Jägermeister?

21. På nynorsk har ordet fantasi kva lekkert synonym på h?

SVAR PÅ SPØRSMÅLA:

1. Halvor Egner Granerud

2. 1955

3. Kapp Verde (ufullstendig demokrati), Kenya (hybridregime), Kamerun (autoritært regime)

4. Kvitlaukpresse

5. Openberringstida

6. «Mullalyftet» (Ho lyfta mulla Krekar.)

7. Karachi

8. Csárdás (jamfør operetten Czardasfyrstinnen)

9. Nei

10. Laila Goody

11. Arabia

12. Dvergar

13. Gul

14. Dei tre maktenes plass (eller tilsvarande ordlydar rundt stikkorda tre, makt (statsmakt) og plass)

15. FC Internazionale Milano (eller berre Inter, om du vil)

16. Cixi

17. Bykle og Bygland kommunar

18. Petriskål

19. Aretha Franklin

20. 35 prosent

21. Hugleik