1. Ein kjend norsk mann slo nyleg fast at ein ikkje får med seg noko ut av denne verda, og at Vårherre i grunnen er den største kommunisten. Kven er det, som fylte 100 år den 29. juni?

2. Kva for eit substantiv kjem av gresk for «menneskekjærleg»? Den nemnde 100-åringen er både dette og forretningsmann.

3. Kva for ord manglar i tittelen på boka frå 2009 og filmen frå 2013: Hundreåringen som klatret (…) og forsvant?

4. Bokhandelkjeda Ark er heileigd av kva for eit forlagskonsern?

5. Denne badebyen i Sør-Afrika heitte tidlegare Port Natal og husar Juma-moskeen, ein av dei største moskeane på den sørlege halvkula. Kva by?

6. Er den vidgjetne diamanten Koh-i-Noor fargelaus, gul eller mørkeblå?

7. Eit epilepsianfall kjem av at den normale aktiviteten i eit organ vert forstyrra. Kva for eit organ?

8. Kva vanleg produkt i sminkeveska skal gje varme, glød, og har eit engelsk namn med eit metall i etymologien? Me godtek det norske omgrepet òg.

9. Kva person med mykje nyleg omtale kan skilte med Brann-supporterflagg, raudt belte i taekwondo og pakistanske foreldre som ikkje hadde råd til korpsuniforma hennar?

10. I taekwondo er det berre svart belte som rangerer høgare enn raudt. Kva nemning på tre bokstavar har alle gradane innanfor svart belte? Dette er «grad» på koreansk.

11. Senja prosti og Varanger prosti høyrer båe til kva for eit bispedøme?

12. Kva amerikansk hardrockband med tødlar over to av bokstavane i namnet har hitane «Girls, Girls, Girls» og «Dr. Feelgood»?

13. Kor mange stjerner er det på uniformsmerket til så vel generalar som admiralar i Forsvaret?

14. Kven forelska seg i den kommande kona si i 1838 i Skippergata 3 i Kristiania? Det var her far hennar, Peter Svendsen Bekkevold, dreiv serveringsstad.

15. Svigerfar Bekkevold hadde dimed kva eldre yrkestittel på t?

16. Osman 1. grunnla og gav namn til Det osmanske riket, som han styrte tidleg i kva for eit hundreår?

17. Kva kvinne (1907–1995), oppvaksen i Hamarøy i Nordland, vart landskjend for visstnok å vere synsk?

18. I kva for eit verdshav ligg Sargassohavet, der ålen gyter?

19. Sargassohavet har namn etter Sargassum, som det er mykje av der. Kva er det norske namnet på Sargassum?

20. Kva oppfinning kom Thomas Edison i 1879 med ein tidleg versjon av, der han brukte forkola bomullstråd?

21. Kva aktuell idrettskonkurranse for menn har i 2023 for første gong eit norsk lag med, Uno-X?

Svar på spørsmåla:

1. Olav Thon

2. Filantrop

3. «ut gjennom vinduet» (Me godtek nære ordlydar, som «ut vindauget».)

4. Gyldendal

5. Durban

6. Fargelaus

7. Hjernen

8. Bronzer (eller solpudder, om du vil)

9. Lubna Jaffery

10. Dan

11. Nord-Hålogaland bispedømme

12. Mötley Crüe

13. Fire

14. Henrik Wergeland (Han og Amalie Sofie Bekkevold gifta seg året etter.)

15. Traktør

16. 1300-talet

17. Anna Elisabeth Westerlund

18. Atlanterhavet

19. Sargassotang

20. Glødelampe (lyspære)

21. Tour de France