1. Kva heiter vadsøværingen som har sett ny verdsrekord i å klatre opp alle fjella i verda som er meir enn 8000 meter over havet? Rekorden er på 92 dagar.

2. Kor mange fjell er det tale om i den nemnde rekorden? Svaret er eit partal.

3. Kva for eit etternamn er vanlegast i Noreg av Berg, Fjell og Ås?

4. Kva for eit ord skal inn i båe desse titlane av Ivar Aasen: Det norske (…)s Grammatik frå 1848 og Ordbog over det norske (…) frå 1850?

5. Kva slags møblar er dei fleste produkta i serien Ivar frå Ikea: hagemøblar, hyller eller sofaer?

6. Det første av dei sju økumeniske kyrkjemøta var i Nikea. Kva var året?

7. Kva heiter tilstanden der blodstraumen i ein kransarterie er heilt eller delvis stogga, til dømes av ein blodpropp? Då går hjartemuskelceller til grunne, og det kan vere dødeleg.

8. Kva for eit land hadde aldri vunne nokon kamp i fotball-VM for kvinner før dei deltok for sjette gong i 2023, no på heimebane? Taparen var Noreg.

9. Egypt, Sudan og Sør-Sudan har alle kva mynteining?

10. Kva heiter verket til Johann Sebastian Bach som er seks kantatar meinte for tida etter 24. desember? Den første framføringa var i 1734–35.

11. Dalane Tidende dekkjer fire kommunar og kjem ut i den einaste byen i distriktet. Kva by?

12. Kven var nestleiar i Raudt frå 2012 fram til ho vart partileiar i 2023, då Bjørnar Moxnes trekte seg etter solbrille-saka?

13. Kva for ein Beatles-song opnar med ordet love sunge ni gonger? Ordet er òg med i tittelen.

14. Kva for eit par i filosofiverda var korkje ektefellar, sambuarar eller trufaste, men likevel partnarar frå 1929 til han døydde i 1980?

15. Oslo lufthamn Gardermoen ligg delvis i Nannestad, men mest i kva nabokommune i aust?

16. Kva heiter hoppekrepsen som har vorte kalla Noregs viktigaste dyr? Arten er essensiell i næringskjedene i havet. Ei poetisk skildring er «ei hoppande millimeterlang medisterpølse med rekehale og padleårar på hovudet».

17. Kven er Rosinante i livet til don Quijote? Eitt ord held som svar.

18. Kva for eit programmeringsspråk vart konstruert av James Gosling i 1995 og deler namn med ei asiatisk øy?

19. Kor mange er det i familien i 1980-talsserien Family Ties? Dette ser me òg i den norske tittelen.

20. I sommar har Margrethe 2. vorte Danmarks lengstsitjande monark. Kven er det ho har gått forbi, som òg var konge i Noreg?

21. Den japanske kunstnaren Utamaro (1753–1806) er særleg kjend for måleri og tresnitt av kva slags motiv på k?

Svar

1. Kristin Harila

2. Fjorten

3. Berg

4. Folkesprog (folkespråk)

5. Hyller

6. 325 e.Kr.

7. Hjarteinfarkt

8. New Zealand

9. Pund

10. «Juleoratoriet»

11. Egersund

12. Marie Sneve Martinussen

13. «All You Need Is Love»

14. Jean-Paul Sartre og Simone de Beauvoir

15. Ullensaker kommune

16. Raudåte (Det vitskaplege namnet er det flotte Calanus finmarchicus. Poesien er kreditert marinbiolog Emilie Hernes Vereide.)

17. Hesten hans

18. Java

19. Fem (Den norske tittelen er Fem i familien.)

20. Kristian 4.

21. Kvinner