1. Det vert sagt at ingen har hatt større innverknad på norsk populærmusikk på 2000-talet enn vinnaren av Årets spellemann 2010 og 2022. Kva hiphopduo er det?

2. Kva slags stein dekkjer mykje av Operahuset i Oslo, her i varianten carrara-?

3. Kva farge var det på fjoseposen, den nøytrale plastposen som Vinmonopolet lanserte i 1970-åra? Han fekk namn etter sosialminister og fråhaldskvinne Bergfrid Fjose.

4. Er spilene i ei persienne vassrette eller loddrette?

5. Kva heiter den typen grunnleggjande programvare som Android og Windows er døme på?

6. Kva øynasjon har over 17.000 øyar, med Ny-Guinea, Borneo og Sumatra som dei største?

7. Kva filosof var til stades under rettssaka i 1961 mot Adolf Eichmann, ein av hovudpersonane bak holocaust? Det vart til boka Eichmann i Jerusalem, som introduserte omgrepet vondskapens banalitet.

8. Kva kallar me ein minneartikkel om ein nyleg avdød person, gjerne trykt i ei avis?

9. Kva krydderplante, ofte med blåfiolette blomar, er nemnd fleire stader i Bibelen? Eit døme er stilken som Jesus drakk eddik frå på Golgata.

10. Kva brite er best kjend for romanen Frankenstein frå 1818?

11. Kva trebokstavsforkorting har systemet for å sende ut eit skips identifikasjon, posisjon, fart og kurs med meir? Det var dette som var skrudd av då fregatten «Helge Ingstad» kolliderte i 2018.

12. Kong Felipe 6. av Spania er fødd i kva år som sluttar på sifferet 8?

13. Av alle norske jernbanestasjonar med persontrafikk er det berre éin der namnet startar på I for India. Kva stasjon er det? Namnet er etter ein kjend tettstad med postnummer 2344 og 2346.

14. I vanleg Trivial Pursuit er blå kakestykke knytt til kva klassisk quizkategori?

15. I 2023 kom Hævvi. Dette er NRKs fyrste podkast på kva samisk språk? Ifylgje Store norske leksikon har det 500–600 brukarar i Noreg og Sverige.

16. Kva amerikansk storby har herrelag med fylgjande tilnamn: Cubs og White Sox i baseball, Blackhawks i ishockey, Bulls i basketball og Bears i amerikansk fotball?

17. Kva svensk skodespelar er kanskje best kjend som Kurt Wallander, men har òg spelt til dømes Ove i En mann ved navn Ove (2015)?

18. Er italienske tiramisù ein forrett, hovudrett eller dessert?

19. Av kinesiske musikkinstrument er det denne siteren med sju strenger som har høgast status i heimlandet. Sjølvaste Konfutse skal ha hatt han som favoritt. Kva er namnet, på tre eller fem bokstavar?

20. Langhus var vanlege i Nord-Europa til slutten av vikingtida. Kva av desse er eit godt døme på kor lange dei var: 10 meter, 30 meter eller 100 meter?

21. Det er ein myte at Carassius auratus har dårleg hugs. Kva vanleg kjæledyr er det tale om?

Svar på spørsmåla

1. Karpe (Me godtek Karpe Diem, som dei heitte fram til 2018.)

2. Marmor

3. Grå

4. Vassrette

5. Operativsystem

6. Indonesia

7. Hannah Arendt

8. Nekrolog

9. Isop

10. Mary Shelley

11. AIS (Det står for automatisk identifikasjonssystem.)

12. 1968

13. Ilseng stasjon

14. Geografi

15. Sørsamisk (Tittelen Hævvi er sørsamisk og tyder «sjølvsagt».)

16. Chicago

17. Rolf Lassgård

18. Ein dessert

19. Qin eller guqin

20. 30 meter

21. Gullfisk