1. Kor mange i gruppa «kvinnelege elevar og studentar» har opplevd seksuell trakassering då dei var i Forsvaret, ifylgje ei undersøking frå 2020: 3 prosent, 23 prosent eller 73 prosent?

2. Kva norsk lov forbyr seksuell trakassering i paragraf 13? Svar med daglegtalenamnet som vert forkorta til LDL.

3. Kva er truleg føremålet viss du klipper i til dømes aluminiumsfolie eller stålull?

4. Under andre verdskrigen redda den svenske diplomaten Raoul Wallenberg tusenvis av jødar i kva for eit noverande land?

5. Kva mannleg norsk alpinist klarte omsider å vinne internasjonalt meisterskapsgull i slalåm under VM i 2023?

6. Rastafarien oppstod på Jamaica. Er han den største religionen i landet?

7. Kva for eit ord frå fransk har me for ei krema skaldyrsuppe? Du kan setje til dømes hummar- eller sjøkreps- framfor ordet.

8. Kva hovudstad aust i Afrika har eit todelt namn som tyder «ny blom»?

9. Kva er normert studietid for sjukepleieutdanningar i Noreg (utan vidareutdanning)?

10. Den 1. januar 2023 døydde Lise Nørgaard, 105 år gamal. Ho er best kjend som skaparen av kva særs populær dansk TV-serie?

11. Med sjukelege assosiasjonar, kva kallar me ei lynrask redning i fotball og andre ballspel?

12. I kva for eit tiår kom dei første britiske straffangane til Australia? Det var tiåret etter at James Cook gjekk i land der.

13. I 1997 kom Flaggermusmannen, den første romanen med kva detektiv (eller antihelt, om du vil)?

14. Kva er Aksla, som er viktig i Ålesunds bybilete? Eitt ord held som svar.

15. Kva amerikansk 1950-talsgruppe er best kjend for songane «Only You» og «The Great Pretender»? To kjenneteikn er fleirstemmig song og falsetten til Tony Williams.

16. Han samlar overskotsmat frå matbransjen og deler han ut gjennom til dømes Frelsesarmeen eller Blå kors. Logoen er ei hand som held eit brød så det heile ser ut som eit hjarte. Kva heiter denne organisasjonen?

17. Kva farge er det mest av på ein dalmatinar?

18. Kva tysk arkitekt på 1800-talet var verksam i mellom anna Zürich, Wien og ikkje minst Dresden, der han teikna operahuset? Det er kalla opp etter han.

19. Når ein tropisk orkan vert kalla tyfon eller taifun er me vest i kva for eit verdshav?

20. Til kva ordklasse høyrer ordet pinne i uttrykket pinne stiv?

21. Kva kvinne med internasjonal suksess vart fødd på Hamar i 1895, voks opp i Kristiania, døydde i 1962 og har sitt eige museum i fødebyen?

Svar på neste side