Kva visuelt trekk?

5 POENG: Det er ikkje uvanleg å vilje skjule dette trekket. Salomos ordtak kallar det derimot «ei fager krone» og «ei ære». Svaret er to ord.

4 POENG: Jonas Gahr Støre har hatt meir av det som statsminister enn som utanriksminister. Elsa Lystad såg me derimot ikkje med det.

3 POENG: Somme menn med trekket vert kalla sølvrevar. Dersom du stadig valdar nokon uro, heiter det at du set dette i hovudet på dei.

2 POENG: Det er eit normalt aldringsteikn. Ibsen skildra Terje Vigen med eit adjektiv som sluttar på -sprengd.

1 POENG: Skjegg vert dette tidleg, augebryn seint. Ein del av årsaka til fargeskiftet er mindre pigmentproduksjon.

Kva TV-serie?

5 POENG: Denne amerikanske TV-serien har ein misantropisk hovudperson. Songen «Teardrop» av bandet Massive Attack er kjenningsmelodi.

4 POENG: Serien gjekk i åra 2004–2012 og har fått fleire prisar. To sentrale figurar er Lisa Cuddy og James Wilson, spelte av Lisa Edelstein og Robert Sean Leonard.

3 POENG: Tittelfiguren er eit ukonvensjonelt geni på Princeton-Plainsboro Teaching Hospital i New Jersey. Han heiter Gregory til fornamn.

2 POENG: Nokre andre kjende sjukehusseriar er Akutten, Chicago Hope, Grey’s Anatomy og Scrubs. Hugh Laurie har hovudrolla.

1 POENG: Tittelen, som er etternamnet til Gregory, er òg det engelske ordet for ein vanleg type bygning.

Kva person?

5 POENG: Andrea Rudland Haave er best kjend for å spele denne personen, som vart fødd i Hammerfest. Personen sette ved fleire høve rekord som yngst. Den første ektefellen var ein yrkeskollega.

4 POENG: Personen lever, er fødd i 1950 og voks frå 1952 opp i Oslo. Ho var lenge nobelkomitémedlem. I dag er ho gift med Arne Wam.

3 POENG: Yrket er politikar. I 1979 vart ho forbrukar- og administrasjonsminister. Då sette ho rekord ved å vere yngste norske statsråd nokon gong.

2 POENG: Haaves rolle er i NRK-serien Makta. Me ser henne til dømes som AUF-leiar. 

1 POENG: Som ung og opprørsk vart ho kalla «raude Sissel».

Kva delstat?

5 POENG: Denne delstaten har nest størst areal og fjerde størst folketal i landet. Til forskjell frå fire av delstatsnaboane, har han ikkje bindestrek i namnet.

4 POENG: Landet har 16 delstatar, denne ligg i nordvest. Han er rik på folklore. Eit døme er baronen som skal ha flydd på ei kanonkule.

3 POENG: Han er tysk og har kyst mot Nordsjøen, men ikkje Austersjøen. Frå vest til aust har me dei store elvane Ems, Weser og Elben.

2 POENG: Byen Bremen er ein enklave i delstaten. Andre naboar utan bindestrek er Hamburg, Brandenburg, Thüringen og Hessen, i tillegg til Nederland. 

1 POENG: Som namnet tilseier, ligg han lågare enn Sachsen.

Svar på neste side